JaviVázquez

Despois de 8 ou 9 columnas de opinión fai uns meses, mudou parte do equipo de A Nosa Terra e despois dun tempo propuséronme pasar a ter un espacio propio en forma de blog.

Tardei un tempo en comenzar co mesmo, porque é o terceiro e tanto dar a tabarra na rede non é fácil :), pero dende o xoves está publicada a primeira entrada no meu blog en A Nosa Terra.

A temática do mesmo estará ao redor de Internet, canle universal de socialización á que son adicto e na que paso un montón de horas ao día, sexa no traballo ou no casa.

E falando de internet, de mércores a venres estarei en Barcelona no congreso, ou xuntanza, Sociedad Red, no que participan moitos dos bloggers e personaxes españois máis relevantes neste mundo noso de Interné, coma o noso amigo Juan Freire.

Espero aprender moito e facer algo de networking, xa vos contarei.

Nas miñas últimas columnas en A Nosa Terra, escribín acerca de temas relacionados con Microsoft.

No primeiro caso, xa fai varias semanas, sobre a oferta para comprar Yahoo. No segundo, sobre o anuncio da apertura dos seus produtos software, para garantir a interoperabilidade e a portabilidade de datos.

En fin, escribindo sobre Ballmer coma yahoo e as cousas de Redmond…

No meu último artigo en A Nosa Terra, “O software libre, a ventá da industria europea“, cito as verbas da Comisaria Europa da sociedade da información falando sobre o software libre coma oportunidade para a industria de software europea, e o utilizo como base para citar as axudas TIC de Industria en Galicia.

Relendo o artigo, penso que non conseguín a adecuada identificación entre o que foron as Windows para a industria do software de USA, e o que pode ser a ventá de oportunidade para a europea. Un sinxelo xogo de palabras non ben aproveitado, unha mágoa. Un título tal vez máis axeitado:
O software libre, a(s) ventá(s) da industria europa do software.

Con todo, espero que vos guste.

Hoxe mércores saiu na nova versión dixital e diaria da refundada A Nosa Terra, unha columna de opinión escrita por min ao redor das TIC e a educación.

Nativos dixitais no forar, inmigrantes dixitais na escola, así como posibles colaboracións futuras, están e estarán escritas e firmadas unicamente por min, “javivázquez”, máis aló de Igalia, a empresa da que sou socio, ou AGASOL, a asociación de empresas da que son actualmente presidente.

Ainda que a través deste blog expreso opinións persoais que non teñen porque coincidir coa visión corporativa de Igalia ou AGASOL, no referente a miña colaboración presente e futura con A Nosa Terra, preferín separar totalmente (ata onde é posible, tendo en conta que eu son igalio polos catro costados) a “profesión e rol” da “persoa”.

Polo demáis, dicir que na presentación da nova etapa do semanario e o novo diario dixital, coincidente co cen aniversario e celebrada no auditorio Caixanova en Vigo, a visión expresada tanto polo director da publicación coma polos membros do consello de dirección da empresa, pasa por achegar A Nosa Terra a todos os galegos, alexándoa dun perfil ou nicho político determinado.

Gústame esa visión galeguista e integradora, Nosa, de aunar e sumar, penso que pode ser un ha boa fórmula para informar e opinar en galego dende Galicia para o mundo, e por ese motivo súmome, moi honrado, ao proxecto.