Premio PFC Sw Libre: quedan 15 días!

Posted by amaneiro on October 16, 2009

Quedan 15 días para que se cerre o plazo de inscripción no Premio ó mellor PFC con Software Libre. Aqueles que queirades participar debedes realizar os pasos para inscribirvos antes do 31 de Outubro. Uns días atrás enviamos á rolda de correo do premio as instrucción para entregar a memoria así como memorias exemplo dos finalistas do ano pasado. Podedes velo na web do Premio.

Como sabedes, o obxectivo da iniciativa é premiar a aqueles que decidiron facer o seu Proxecto Fin de Carreira como Software Libre, fomentando así o seu uso entre os universitarios galegos. Sen dúbida, na universidade queda moito camiño por recorrer no eido de integrar o coñecemento sobre a participación e xestión dun proxecto de Software Libre. Éste é o noso pequeno gran de area, co que pretendemos contribuir a aumentar ese coñecemento.

Esperamos que poidades participar e así optar ó premio de 1.000€! 😀

Igalia nas facultades galegas

Posted by amaneiro on September 28, 2009

Ó longo dos seguintes días, Xavi e máis eu estaremos facendo a presentación do Premio ó mellor PFC con Software Libre en varias facultades galegas. As datas concretas acaban de ser anunciadas na web do premio (publícoas aquí por completitude):

Durante a presentación falaremos dos obxectivos que a iniciativa pretende impulsar e explicaremos as bases de participación. Por outra banda, parécenos unha boa oportunidade para dar un pouco de contexto sobre a empresa, de onde xurde o Premio, etc. Se tes algunha dúbida, comentario, suxerencia, ou simplemente desexas coñecer Igalia e/ou o Premio ó mellor PFC con Software Libre, acércate polas facultades e pregúntanos! 🙂

Premio PFC Sw Libre 2009: terceira edición

Posted by amaneiro on July 10, 2009

[13:00 actualización]: acabamos de crear unha rolda de correo onde se irán comentando as novidades do evento,  se poden realizar preguntas, etc. Suscríbete para coñecer as novidades.

A terceira edición do “Premio ó mellor PFC con Software Libre” xa está aquí 🙂 Ó igual que nas anteriores, o evento realizarase en Novembro, durante a terceira semana. Nesta ocasión, e seguindo a política rotatoria entre facultades, farémolo na Escola de Informática de Ourense.

Highlights do evento:

  • Participacion aberta a todos os PFC presentados no ano académico 08/09.
  • Os PFC participantes deben de ter unha licencia de software libre aprobada como tal pola OSI ou a FSF.
  • 1000€ de premio e posibilidade de 500€ de accésit.
  • Entrega durante a terceira semana de Novembro na EI de Ourense.
  • Xurado conformado polos 3 decanos/coordinadores das facultades galegas de informática, a Secretaría Xeral de Modernización e Innovación Tecnolóxica, a través de Mancomún e dous membros de Igalia.

Para participar no evento, será necesario realizar o seguintes pasos antes do 30 de Outubro:

  1. Cubri-lo formulario de inscripción.
  2. Rexistrar-lo proxecto na forxa de Mancomún, no tópico “Concursos > Premio ao mellor PFC con SwL > 2009“, aínda que se utilicen outros repositorios de código e listas de correo.
  3. Finalmente, será necesario entregar unha memoria (5 a 10 páxinas) do PFC explicitando as tecnoloxías de software libre utilizadas así como o proceso de interacción coa comunidade.

Por outra banda, o día do evento realizarase unha presentación cos preseleccionados.

Para rematar, só poñer un enlace a uns artigos que desenvolvemos na edición anterior sobre a xestión dun proxecto de Software Libre. Se ben non é máis que unha compilación de boas prácticas que realizan certos proxectos (en ningún caso a receta máxica para que funcionen), sí pode ser interesante, por exemplo, de cara a seleccionar a licencia do teu proxecto.  Espero que sexa de utilidade! 🙂

Prácticas de verán: deadline 22 de Maio

Posted by amaneiro on May 11, 2009

Como cada ano dos últimos 8, Igalia abre as plazas para optar a prácticas de verán. A oferta está aberta a estudantes de Enxeñería Informática ou Telecomunicacións (especialidade telemática) -pertencentes á enxeñería técnica ou superior- con máis do 50% dos créditos superados. Se desexas desfrutar dunha estancia connosco tes ata o 22 de Maio para enviarnos a túa solicitude.

Qué ofertamos:

  • 350h de prácticas entre Xullo e Setembro.
  • Horario flexible realizando unha media de 5 a 8 horas diarias.
  • Axuda de 1.200€
  • Traballo baixo a tutela dos nosos hackers en tecnoloxías punteiras en entornos gnome (desktop/mobile) e aplicacións web RIA.

Para optar a elas só tes que enviarnos a seguinte información a rrhh[arroba]igalia[punto]com indicando no subject “[internship] Apelido, Nome”:

  1. Unha carta de presentación: cóntanos por qué che interesa facer as prácticas connosco e por qué consideras que estás entre os candidatos máis adecuados.
  2. O teu currículo actualizado.
  3. Copia do expediente académico.

Máis información: http://www.igalia.com/igalia/workwithus/internship/