Prácticas de empresa en Igalia: procesando…
Trala finalización da recepción de solicitudes o pasado domingo 18 de maio, agora estamos coa evaluación da información recibida. Ao longo desta semana, todos recibirides un email de Igalia para comentar se sodes citados ou non para a entrevista.
Este proceso de entrevistas rematará non máis aló do 6 de xuño, data límite para notificar as persoas que foron seleccionadas para facer prácticas connosco os meses de xullo, agosto e setembro.
A verdade, este ano é o que máis e mellores solicitudes recibimos. O impresionante número de 36 persoas nos escribiron interesados polas prácticas. Por este motivo, non poderemos entrevistarvos a todos, pero en calquera caso dende xa recibide o meu agradecemento polo voso enorme interese.
Nalgúns casos, teredes a oportunidade de intentalo de novo o ano que ven, como lle pasou a algún Igalio actual, Mario, quen un ano xa fai tempo recibiu un “amable email” (como el di :)) para informarlle que non fora seleccionado para as entrevistas, o ano seguinte volveuno intentar, e tralas prácticas daquel verán, hoxe é un membro máis da asamblea de Igalia.
Sorte a todos e grazas de novo!
III Día do Emprendedor: Google!
Onte mesmo confirmou a súa presencia no itinerario de software libre dentro do III Día do Emprendedor Eduardo Manchón, quen traballa actualmente nas oficinas en Zurich de Google .
Eduardo é un dos fundadores de Panoramio, empresa española de xeolocalización de fotos que foi mercada por Google en 2007. Podedes ler a entrevista que lle fixeron a Eduardo e o seu socio Joaquín no País o ano pasado.
Con todo, o programa definitivo, penso que moi interesante :), queda como segue:
09.30-10.15 “Gurús da Rede”
Juan Freire. Emprendemento, organizacións abertas, novos paradigmas…
Eduardo Manchón. Google, Panoramio, …
10.15-11.00 “Empresas preto de ti”
Igalia. Cooperativismo e software libre dende Galicia para o mundo.
Allenta. Roberto Moreda.
13.00-13.45 “Distintas fórmulas cara o éxito”
Ikusnet. Dani Armendáriz. Cooperación e horizontalidade en torno ao software libre.
e-Box. Nacho Correas. Na búsqueda de capital risco.
13.45-14.30 “100% software libre, pero _sen_ software”
Zemos98/Hapaxmedia. Felipe González e Rubén Díaz.
Non esperades para inscribiros a través da web do evento!.
III Día Galego do Emprendedor 2008: Software Libre
O programa do III Día do Emprendedor xa está completo e pode ser consultado na propia web da xornada, da que extraio o texto de presentación seguinte:
O vindeiro 15 de Maio, Santiago de Compostela acollerá a celebración do III Día Galego do Emprendedor. No ámbito da iniciativa promovida dende o Ministerio de Industria, Turismo e Comercio para a realización destas xornadas sobre emprendemento en todas as Comunidades Autónomas, o Igape e BIC Galicia impulsan este evento co obxectivo fundamental de promover e alimentar o espírito emprendedor e, deste xeito, transmitir as claves que permitan emprender en Galicia nun ámbito de innovación e competitividade.
Baixo o paraugas de AGASOL e a través de Igalia, confeccionamos o itinerario adicado a Software Libre e modelos abertos de negocio, co programa seguinte:
09.30-10.15 “Gurús da Rede”
Juan Freire. Emprendemento, organizacións abertas, novos paradigmas…
10.15-11.00 “Empresas preto de ti”
Igalia. Cooperativismo e software libre dende Galicia para o mundo.
Allenta. Roberto Moreda.
13.00-13.45 “Distintas fórmulas cara o éxito”
Ikusnet. Dani Armendáriz. Cooperación e horizontalidade en torno ao software libre.
e-Box. Nacho Correas. Na búsqueda de capital risco.
13.45-14.30 “100% software libre, pero _sen_ software”
Zemos98/Hapaxmedia. Felipe González e Rubén Díaz.
Tendo en conta o elevadísimo número de persoas que acudirán as diferentes sesións paralelas, é recomendable rexistrarse a través da web do evento.
Prácticas de empresa verán 2008 en Igalia
Igalia, empresa galega de Software Libre, ofrece por sétimo ano consecutivo a posibilidade de realizar prácticas na empresa durante este verán nas súas instalacións de A Coruña ou Pontevedra, a estudiantes de Enxeñería en Informática ou Enxeñería Técnica en Informática con máis do 50% dos créditos superados.
Por que o facemos?
- A maioría de nós fixemos prácticas en empresa cando eramos estudiantes.
- É unha boa forma de devolverlle algo a Universidade da que vimos.
- Tamén é unha boa maneira de contratar xente. Case o 50% das persoas que fixeron prácticas connosco no pasado forman parte da empresa na actualidade.
Como son?
- Un total de 350 horas cunha planificación flexible de 5 a 8 horas diarias durante os meses de xullo, agosto e setembro.
- 325 horas traballando nun proxecto de Software Libre e 25 horas para redactar a memoria.
- Axuda de 1,000 €.
Se estás interesado en optar ás prácticas, o período de recepción de solicitudes abrangue abrangue dende o 5 ata o 18 de maio.
Por favor, envíanos a túa carta de presentación, CV e copia do expediente académico a rrhh@igalia.com, indicando “[internship] Apelido, Nome” no subject.
Máis información: http://www.igalia.com/igalia/workwithus/internship/