JaviVázquez

A iniciativa galega polo Software Libre, mancomun.org, cumpre hoxe un ano, tal e como se pode comprobar na súa propia web.

Esta iniciativa ten como principal obxetivo a promoción e difusión do Software Libre, tanto no que respecta á cidadanía como no referido ao tecido empresarial, e é coherente co recollido no PEGSI: promover os estándares abertos e o software libre como unha fórmula para (dito dunha forma moi resumida) reducir a fenda dixital.

Na miña opinión, era algo totalmente necesario en Galicia, non so como axente dinamizador, senón tamén como punto común de información e referencia sobre as iniciativas relacionadas co Software Libre.

Creo que a xente que está detrás de mancomun.org, sendo Jesús e Xoán ós que máis coñezo, por encontralos moi a miudo en todo tipo de actividades e pola axuda que nos prestan na difusión do Premio ó Mellor PFC con Software Libre, está ilusionada e convencida do que fai, o que é algo polo que felicitarse e no que confiar.

Espero que sigan traballando coa mesma ilusión e convencemento dentro dun ano, o que sen dúbida será unha boa sinal da saúde do proxecto, ademáis dunha proba de que se van conseguindo obxectivos.

Seguide así!